AVROPADA HAVA DƏYİŞKƏNDİR

19.01.2006 [20:16]
Çap et
A⁺ A^-

AZƏRTAC xarici KİV-lərə istinadla xəbər verir ki, Qərbi Avropada qeyri-adi isti hava şəraiti hökm sürür. Yanvarın 19-da havanın temperaturu İspaniyada +15, Böyük Britaniyada +14, Fransada +10, Almaniyada +18 dərəcəyə çatmışdır. Avropa qitəsinin qərb hissəsi hazırda Atlantika okeanının cənubundan gələn isti hava kütləsinin təsiri altındadır. Bu hava axını istilərlə bərabər leysan yağışlarına da səbəb olmuşdur. Sinoptiklərin proqnozlarına görə, qeyri-adi hava şəraiti uzun sürməyəcəkdir. Yanvarın 22-də Avropanın şimal rayonlarına Arktikadan soyuq hava axının gələcəyi gözlənilir.

Norveçdə güclü qar yağır. Ölkənin cənubunda elektrik xətlərinin qırılması nəticəsində 2,5 min ev işıqsız qalmışdır. Norveçin şimalında isə qasırğa tüğyan edir. “Statoyl” şirkəti Hammerfest yaxınlığında qaz anbarının inşasını dayandırmışdır.

Bu günlər Latviya son 3 ildə ən güclü şaxta ilə üzləşmişdir. Riqada gecə havanın temperaturu selsi ilə mənfi 25 dərəcəyə enmişdir. Finlandiyada termometr mənfi 35 dərəcəni göstərir. Nəticədə nəqliyyat vasitələri, xüsusilə dəmir yolu fasilələrlə işləyir. Bəzi yerlərdə su təchizatı çətinləşmişdir.

AVROPADA HAVA DƏYİŞKƏNDİR

MÜƏLLİFLƏ ƏLAQƏ

Bölmənin digər xəbərləri