ALMANİYA MƏKTƏBLƏRİNDƏ MÜƏLLİM ÇATIŞMIR
AZƏRTAC-ın xüsusi müxbiri xəbər verir ki, Almaniya təhsil sistemi hazırda böhran keçirməkdədir. 2006-cı tədris ili təzəcə başlanmışdır. Ölkədə isə 16 min müəllim çatışmır. Vəziyyət o dərəcədə böhranlıdır ki, müəllim çatışmazlığı səbəbindən bir çox fənlər tədris planından çıxarılmışdır. Ekspertlərin fikrincə, müəllim qıtlığının əsas səbəbi müəllimlik peşəsinə meylin azalmasıdır. Bir sözlə, keçmiş peşəkar müəllimlər fəaliyyətlərini artıq başa vuraraq pensiyaya çıxmış, ehtiyat kadrlar isə hazırlanmamışdır.
Almaniya prezidenti Horst Köler məktəblərdə baş verən bu böhranlı vəziyyəti “ən dərin böhran” adlandırmış və federal hökumətdən böhranın aradan qaldırılması üçün milli təhsil sisteminin inkişafının yeni strategiyasını hazırlayıb həyata keçirməyi tələb etmişdir.
Bölmənin digər xəbərləri
