ALLAH SAXLAYANA ZAVAL YOXDUR
AZƏRTAC xarici informasiya agentliklərinə istinadla xəbər verir ki, Metyu Ueyriç iyunun 23-də Morton milli parkında gəzərkən ayağından çıxan ayaqqabısını götürmək istəyərkən müvazinətini itirib qayadan yıxılmışdır. Onun yol yoldaşları mobil telefonla hadisə haqqında polisə və təcili yardım xidmətinə xəbər vermişlər.
Gənc turisti təqribən 20 saat axtarmaqla məşğul olan xilasedicilərin və polislərin ağlına belə gəlməzdi ki, o, sağ qala bilər. İyunun 24-də səhər nəfəsi gedib-gələn turisti dərənin dibində aşkar edəndə onların sevincinin həddi-hüdudu yox idi. Metyu yıxılarkən kollara və ağaclara dəyə-dəyə dərənin dibinə düşübmüş.
Lakin təcili surətdə xəstəxanaya çatdırılan Metyunun vəziyyəti ağırdır. Onun çoxlu ağır sınığı, boyun fəqərələrində çat var. Bundan əlavə o, soyuqdan da donmuşdur. Buna baxmayaraq, həkimlərin fikrincə, Metyu sağalacaqdır.
Bölmənin digər xəbərləri
