Ağsuda ev yanıb
Ağsu, 22 fevral, AZƏRTAC
Fevralın 22-də Ağsu şəhərinin S.Vurğun küçəsində Zərqələm Abdurrəhimovaya məxsus evdə yanğın olub. AZƏRTAC-ın bölgə müxbiri xəbər verir ki, yanğın günorta vaxtı, saat 14 radələrində baş verib. Hadisə yerinə Fövqəladə Hallar Nazirliyinin Ağsu Yanğından Mühafizə Hissəsinin 14 nəfər şəxsi heyəti və 3 yanğınsöndürən maşın gəlib. Yanğınsöndürənlərin səyi nəticəsində saat 15 radələrinədək yanğın söndürülüb. Hadisə nəticəsində 204 kvadratmetr ərazisi olan evin 64 kvadratmetrlik 2 otağı içərisindəki əşyaları ilə, habelə tavanla birlikdə tamamilə yanıb.
Hazırda yanğının başvermə səbəbi araşdırılır.