ABŞ ZƏRBXANASI “SƏHV” DƏMİR PULLAR BURAXMIŞDIR
AZƏRTAC İTAR-TASS-a istinadla xəbər verir ki, ABŞ zərbxanası təzə bir dollarlıq dəmir pullar buraxarkən bir neçə səhvə yol vermişdir. Nəticədə tamamilə leqal pulların üstündə “Tanrıya təvəkkül” sözləri yazılmamışdır. Amerikalılar bu pulları “allahsız” adlandırmışlar. Digər fərq isə Tövratdan “Çoxları arasında yeganə” sözlərinin əskinazlara düşməməsidir.
Ekspertlər nə qədər belə dəmir pul buraxıldığını hələ müəyyən etməmişlər. Hesablamalara görə onların sayı 50 minə çata bilər. Tədbirli amerikalılar “səhv” pulları hərracda dəyərindən baha satırlar. ABŞ zərbxanası hadisənin ciddi surətdə araşdırılacağını bildirmişdir.
Bölmənin digər xəbərləri
