ABŞ MƏKTƏBLƏRİNDƏ QAZLI SULAR SATILMAYACAQ
AZƏRTAC-ın İTAR-TASS agentliyindən aldığı xəbərə görə, ABŞ məktəbləri şagirdlər arasında piylənmə halları ilə mübarizəni gücləndirəcəkdir. Qazlı suların ibtidai və orta təhsil müəssisələrində satılmaması barədə bu məhsulun əsas istehsalçıları ilə razılıq əldə olunmuşdur. Yuxarı təhsil müəssisələrində isə yalnız tərkibində şəkərin faizi az olan qazlı içkilərin satışına icazə veriləcək, əsasən, mineral sular, şəkərsiz meyvə şirələri və çay satılacaqdır.
Buna baxmayaraq, yuxarı sinif şagirdləri arasında aparılan sorğunun nəticələrinə görə, onların əksəriyyəti adi “Koka-Kola” və “Pepsi-Kola”nı sevir. Lakin bu içkilər təhsil müəssisələrində yalnız konsertlər və idman tədbirləri zamanı satılacaqdır. Bu yenilik ABŞ ərazisində 2008-2009-cu tədris ilində tam qüvvəyə minəcəkdir.
Bölmənin digər xəbərləri
