42 su obyektində monitorinq keçirilmişdir
Bakı, 6 avqust (AZƏRTAC). Ekologiya və Təbii Sərvətlər Nazirliyi tərəfindən atmosfer havasının çirklənməsinin təhlili məqsədilə ölkənin 8 iri sənaye şəhərində, yağıntıların kimyəvi tərkibini öyrənmək üçün isə 6 bölgədə monitorinqlər aparılmışdır.
Nazirlikdən AZƏRTAC-a bildirmişlər ki, bundan başqa, bu ilin birinci yarısında səth sularının çirklənməsinə nəzarət üçün 27 çay, 4 sututarı, 1 liman və 10 göl üzərində monitorinq keçirilmişdir.
Eyni zamanda, torpaqların fon tərkibinin neft məhsulları, pestisidlər və ağır metallarla çirklənmə vəziyyəti də daim öyrənilir. Gündə 3 dəfə olmaqla, 35 məntəqədə ətraf mühitin radiasiya fonu yoxlanılmışdır.
Bölmənin digər xəbərləri
