11 SENTYABR FACİƏSİ ANILMIŞDIR
AZƏRTAC-ın müxbiri xəbər verir ki, əvvəlcə terror qurbanlarının xatirəsi bir dəqiqəlik sükutla yad edilmişdir. Sonra Respublika Prokurorluğunun, Həsən bəy Zərdabi adına Dünya Azərbaycanlıları Xeyriyyə Cəmiyyətinin, YAP Yasamal rayon təşkilatının, Dünya Azərbaycanlı Gənclərin Həmrəyliyi Cəmiyyətinin, Müstəqil Mətbuat və İnformasiya Şurasının, KİV İşçiləri Müstəqil Həmkarlar İttifaqının nümayəndələri və başqaları çıxış etmişlər. Onlar xüsusi vurğulamışlar ki, erməni terrorunun acısını dadmış azərbaycanlılar ABŞ xalqının faciəsini yaxşı anlayırlar. Təsadüfi deyildir ki, Azərbaycan beynəlxalq terrorizmə qarşı mübarizəyə ilk qoşulan ölkələrdən biridir. Natiqlər əmin olduqlarını bildirmişlər ki, beynəlxalq terrorizmə qarşı səyləri birləşdirməklə onun qarşısını almaq olar.
Bölmənin digər xəbərləri
